Bugun (K)Ubuntu ga repozitoriylar qo'shish haqida yozmoqchiman. Buning uchun siz birorta tahrirlagichdan foydalanishingiz kerak. Ana shu tahrirlagich yordamida /etc/apt/sources.list ga kerakli repozioriyning manzili qo'shiladi. Men odatda "Midnight commander" dan foydalanaman. Yoki oddiygina
nano /etc/apt/sources.list
bilan amalga oshiraman.
Bu sizning xohishingizga bog'liq.

Faqat "konsole"

Shu kunlarda X grafik muhitisiz ishlashimga to'g'ri kelayapti. Chunki "Kubuntu" ni yangilashda

/etc/apt/source.list
ga "Ubuntu"ning repozitariylarini ko'rsatgandim. Monitorda tasvirlar kattalashib ketdi. Ilgari tasvir chappa bo'lib qolib ancha qiynagandi. Mana endi, katta bo'lib ketdi. X11 ni qo'lbola moslab ko'rdim. Natija esa, xserver siz qoldim. "Kde" paketlarini
sudo apt-get autoremove kde
bilan olib tashlab, yana
sudo apt-get install kde qildim, lekin mendagi eng yangi paketlar bo'lganligi uchun yangilarini olib bo'lmasmish. Shunday qilib hozircha faqat Ctrl + Alt + F1 dan foydalanayapman.Bu yerda F1 dan F7 gacha bo'lgan "konsole" dan foydalanib o'tiribman. Bu yerda F7 Grafik muhit uchun ishlatiladi.
Asosiy kommandam,
sudo mc
Midnight commander bo'lib qoldi. Internet uchun "lynx"dan doydalanayapman.
ya'ni
lynx uzadmin.blogspot.com
kabi. Ba'zida vi, nano editorlardan foydalanib turibman, lekin nima bo'lganda ham ancha tajriba ortirayapman. Kecha shunday holatda "Free bsd" ni iso obrazlarini ko'chirib olishga urinib ko'rdim, bemalol ko'chirayapti, lekin men "wget" bilan ko'chirib olmoqchi edim. Bunga urinib ko'rdim, lekin chiqmaypti. Menimcha, hali o'qish kerak. Bir do'stim Rossiyada ishlayapti. U o'zimizda ancha kompyuter sohasida bilimga ega edi. Lekin uning aytishi bo'yicha hozir u Rossiyada eng bilimsizga o'tib qolarkan. Shuning uchun u menga tinimsiz va juuuuda ko'p o'qish kerakligini aytdi. Shuning uchun bu maslaghatni o'zimga olgan holda sizlarga ham maslahat beraman. Shundagina biz ham o'zimizning davlatimiz, xalqimiz, millatimiz, dinimiz rivojiga oz bo'lsada o'z hissamizni qo'shgan bo'lamiz.

Endi "Kubuntu"

Mana yana uzoq tanaffusdan so'ng yana blogimni o'zimning boshni qotiruvchi so'zlarim bilan to'ldirisni boshladim. Mening hayotim oxirgi vaqtda Linux bilan bog'lanib borayapti. Oxirgi vaqtda «Kubuntu»dan foydalanishni boshladim. Menda uning 6,10 versiayasi. Menga juda ham yoqdi. Ayniqsa, «Mozilla firefox» ning yangi 2 versiyasi borligi yoqdi. Boshqa Linux turlarida internetdan ko'chirib olib, so'ngra uni arxivdan ajratib olib, papkani ichidan «firefox»ni bosib ochardim. Mana endi sestemaning o'zida yangi «Firefox»!

Hamma paketlar yangi. Bundan tashqari «Debian»da kirill alifbosida yoza olmay qiynalgandim. Kubuntu da esa hammasi tayyor. Shuningdek, «ark» arxivida «rar» keyngaytmali fayllarni ocha olmayotgandim. Buning ham yo'lini topdim.

sudo apt-get install unrar

Yana ko'pgina repozitoriylarni ko'chirib ham oldim va sestemamni yangilashga ham ulgurdim. Menga yoqqan yana bir tarafi, internetdan ko'chirib olingan .deb fayllar /var/cashe/apt/archeves ning ichida saqlanarkan. Agarda bu yerda saqlanmay, o'chib ketayotgan bo'lsa, osongina «Synaptic» yordamida buni to'g'rilash mumkin. Buning uchun avvalo «synaptic» paketi o'rnatilishi kerak.

sudo apt-get install synaptic

so'ngra: sudo synaptic

Graffik muhitda xohlaganingizdek, bemalol moslab olishingiz mumkin.
Bundan oldin "Fedora core 6" ni ham sinab ko'rdim. Kompyuterlarimning biriga o'rnatilgan.
Ha, aytgancha, kechadan oldingi kuni "Kubuntu Feisty Herd 3" chiqdi.
Ana shunaqa gaplar. Yaqinda, insholloh, yangi sayt ochishni rejalashtirib quydik. Ushbu blog ham shu sayt uchun asosiy poydevor vazifasini o'taydi degan umiddaman.

"